كريم رشيد نجم التصميم الصناعي

اللي في الصورة دا اسمه كريم رشيد للوهلة الأولي لما تشوفه  هتفكره مغني بوب مش مشهور أو عارض أزياء بيلبس حاجات غريبة! لكن الحقيقة إن اللي في الصورة دا المفروض يكون قدوة ومصدر فخر لينا كمصريين مش أقل من فخرنا بصلاح، كريم رشيد وأتولد في مصر في القاهرة لأب مصري وأم أمريكية، أتعلم Products design في كندا وكمل الماجيستير في إيطاليا، لحد الوقتي أنت بتقول أيوه إيه المميز فيه يعني؟

المميز فيه يا سيدي إن الشخص دا يعتبر أعظم Products designer في العصر الحالي ومجلة التايمز قالت عنه أنه “المصمم الصناعي الأكثر شهرة في الأمريكيتين” الراجل دا عمل أكتر من 3000 تصميم لمنتجات وأزياء وتصاميم داخلية وقطع أثاث ومنشآت معمارية كاملة منها أشهر الأوتيلات والمطاعم في أميركا, كريم رشيد دا الكلاينتس بتوعه عبارة عن أشهر 520 شركة في العالم من أكتر من 40 دولة مختلفة وواخد أكتر من 300 جايزة عالمية لو أتكملت عن الجوايز اللي واخدها ممكن ميكفيش بوستين تلاته زي دا, الراجل دا المنتجات والتصاميم اللي عملها تقريباً بتدخل في كل حاجة في حياتنا من غير ما نعرف أصلاً ان اللي عاملها هو العبقري دا

شغل كريم رشيد معروض بشكل دائم في أشهر 20 معرض ومتحف في العالم بما فيهم متحف الفن الحديث في نيويورك
, كريم حالياً عايش في نيويورك وعنده design studio باسمه Karim Rashid في نيويوك وزي ما قولت هو الأشهر عالمياً, كريم بيقدم محاضرات عن العمارة والتصميم في العالم كله

ببساطه اللي عمله كريم بيتخلص في إنه حول التصميم من مجرد ثقافة صغيرة لموضوع عام غير حياة العالم
وأكتر حاجة بتميز شغل كريم هو إستخدامه الجرء جداً للألوان ودمجها مع المنتجات واللى بيحولها لتحف فنية

وبيقول عن نفسه ” For the longest time design only existed for the elite and for small insular culture. I have worked hard for the last 20 years to trying to make design a public subject”

” لأطول وقت ممكن, التصميم كان مقتصر بس على النخبة والثقافات الصغيرة المنعزلة. لقد عملت بجد على مدى ال 20 سنة الماضية لمحاولة تحويل التصميم موضوع عام.”

السؤال هنا ليه مش بنشوفه في مصر؟ ليه أمثلة زي كريم الأعلام مش بيتكلم عنها في حين أنه المفروض يكون قدوة لينا وحاجة نفتخر بيها مش أقل من فخرنا بصلاح مثلا!؟ ليه لما بقول لأي حد أنه قدوتي بيستغرب ومش بيكون سمع عنه قبل كدا؟
ليه حد زي كدا العالم كله بيعتبره واحد من أهم وأعظم المصممين في العالم مش معروف بالنسبة لـ99.5% من المصريين (خصوصاً أنه أصلاً مصري)!!

الأعلام عندنا بيشهر المتخلفين والسفهاء والمتخلفين، لكن أمثلة الناس اللي زي كريم محدش بيتكلم عنها فا شير علشان نخلي أكبر عدد من الناس تعرف إحنا حقيقتنا إيه ونقدر نوصل لفين

في الصور بعض أعمال كريم رشيد اللي تستحق التأمل
ودا الموقع الخاص بيه هتلاقوا عليه كل شغله ومعلومات عنه أدخل وأستكشف براحتك www.karimrashid.com